Photoshop  - පාඩම් අංක 01

අද පරිගණක ලෝකයේ රූප භාවිතා නොකරන වැඩසටහනක් නොමැති තරම් ය. පරිගණක ක්ශේත්‍රයේ මුල් කාලයේ පටන්ම රූප (Graphic) භාවිතය සඳහා වැඩි ප්‍රසිද්ධියක් ඉසිලූ වැඩසටහනක් ලෙස ඇඩෝබි ෆොටෝෂොප් සැලකිය හැකිය. අද පරිගණක ක්ෂේත්‍රයේ කටයුතු කරන සෑම දෙනෙක්ම පාහේ ඇඩෝබි ෆොටෝෂොප් වලින් කුමක් හෝ කාර්‍ය්යක් ඉටුකරගෙය ඇතිවාට සැකයක් නැත. එහෙත් මුල් කාලයේදී ඇඩෝබි ෆොටෝෂොප් සමඟ වැඩ කිරීම එතරම් පහසු කාර්‍ය්යක් නොවුනත් ඇඩෝබි ෆොටෝෂොප් එකොලොස්වන සංස් කරණය වන ඇඩෝබි ෆොටෝෂොප් CS4 හි වැඩ කිරීම ඉතාමත් පහසු කර ඇත. අද ෆොටෝෂොප් භාවිතා කරන දක්ෂ ශිල්පියෙකුට කෙනෙකුගේ ඡායාරූප කිහිපයක් පමණක් යොදාගෙන සම්පූර්ණ ඇල්බමයක් වුවත් නිර්මාණය කිරීම ඉතාමත් පහසු කටයුත්තක් වී ඇත. එය ඔබට පහත ඡායාරෑප ඇසුරෙන් වැටහෙනු ඇත.මෙහි පළමුව දක්නට ඇති රූපය උපයෝගී කරගෙන අනෙක් ඡායාරූප නිර්මාණය කර ඇත.

ඉහත ඡායාරූප දුටු පසු ඔබ ඇඩෝබි ෆොටෝෂොප් ගැන උනන්දුවක් නොදැක් වූ අයෙකු වුවත් ඒ ගැන ඉගෙන ගැනීමට වඩාත් උනන්දු වන බවට සැකයක් නැත. මෙම ඡායාරූප 5 න් පළමු ඡායාරූපයේ (1)කිසිදු වෙනසත් සිදුකර නැතත් ඉතිරි ඡායාරූප (2,3,4 හා 5) මා විසින් උදාහරනයක් ලෙස ඔබට පෙන්වීම සඳහා සකස් කරන ලද ඡායාරූප වේ. දැන් ඔබට මෙම වැඩසටහනේ ඇති හැකියාවන් පිළිබඳ දල අදහසක් ඇති. මෙතැන් සිට ඉදිරියට ඇඩෝබි ෆොටෝෂොප් වල විවිධ අංගයන් පිළිබඳව හා ඇඩෝබි ෆොටෝෂොප් වලින් මෙවැනි නිර්මාණයන් කරගන්නා ආකාරය පිළිබඳව පියවරෙන් පියවර ඉගෙන ගනිමු.  බොහෝවිට පරිගණකයක් මිලදී ගැනීමේදී ඔබ විසින් විශේෂයෙන් ඉල්ලීමක් නොකලේ නම් ඇඩෝබි ෆොටෝෂොප් මෘදුකාංගය ඔබේ පරිගණකයේ ස්ථාපනය (Install) කර නැති වන්නට පුලුවනි එසේ නම් පළමුව ඔබට මෙම මෘදුකාංගය ස්ථාපනය කර ගැනීමට සිදුවේ. මේ සඳහා ඔබ මෘදුකාංගය මිලදී ගැනීමේදී ඔබට ලැබෙන උපදෙස් පිළිපදින්න.